អាសូរណាស់!! ភ្ញាក់ផ្អើលជាខ្លាំង នៅខាងក្រោយចំការអ្នកភូមិ ស្រាប់តែទៅមើល លោកអើយមិនគួរឱ្យជឿ…

ខេត្តរតនគិរី៖ គ្រោងឆ្អឹងសាកសពមួយត្រូវបានប្រជាពលរដ្ឋប្រទះឃើញនៅវេលាម៉ោង២និង៣០រសៀលថ្ងៃទី២៣ ខែមិថុនា ឆ្នាំ២០១៧នេះដោយពុំទាន់ស្គាល់អត្តសញ្ញាណនៅឡើយ។

តាមការអោយដឹងពីប្រជាពលរដ្ឋ គ្រោងឆ្អឹងសាកសពត្រូវបានគេប្រទះឃើញនៅក្នុងព្រៃក្បែរចំការឈ្មោះ ផាន់ ភុយ ភេទប្រុស រស់នៅភូមិហ្វាំង ឃុំប៉ុង ស្រុកវើនសៃ។

តាមការបញ្ជាក់ពីឈ្មោះ សៀន សម្បត្តិ ភេទប្រុសអាយុ១៨ឆ្នាំ ជនជាតិឡាវ រស់នៅភូមិហ្វាំង ឃុំប៉ុង ស្រុកវើនសៃប្រាប់អោយដឹងថា៖ ក្រោយពីឃើញហេតុការណ៍នេះ លោកអធិការនគរបាលស្រុកវើនសៃបានចាត់កម្លាំងជំនាញសហការជាមួយលោកប្រធានមណ្ឌលសុខភាពវើនសៃនឹងមេភូមិ មេឃុំ បានចុះធ្វើការត្រួតពិនិត្យសាកសព ពេលនោះបានឃើញស្ថានភាពសាកសពរលួយសល់តែឆ្អឹង ដែលតាមការសន្និដ្ឋានសាកសពនេះប្រហែលជាស្លាប់ជាង១៥ថ្ងៃទៅហើយ។

តាមប្រភពពីប្រជាពលរដ្ឋរស់នៅក្បែរនោះប្រាប់ថា៖ ប៉ុន្មានថ្ងៃមុនគេប្រទះឃើញមនុស្សវិកលចរិកម្នាក់ស្លៀកខោខ្លីកីឡាពណ៌ខៀវភិនភាគប្រហែលនិងសាកសពដែលគេប្រទះឃើញនោះមានសាក់រូបយក្សនៅនិងដៃដើរចូលព្រៃនោះ។
ក្រោយមកក៏បាត់ខ្លួនលែងឃើញដើរឆ្លងកាត់ទីនោះទៀតហើយស្រាប់តែពេលនេះក៏លេចលឺគេប្រទះឃើញសាកសពស្អុយរលួយភិនភាគដូចគ្នានេះតែម្តង។

បច្ចុប្បន្នសមត្ថកិច្ចកំពុងបន្តស្រាវជ្រាវរកអត្តសញ្ញាណនិងសាច់ញ្ញាតិដើម្បីស្វែងរកដើមចមនៃការស្លាប់របស់សាកសពនោះឱ្យបានច្បាស់៕