ក្រុងប៉ោយប៉ែត ៖ សពក្មេងស្រីអាយុ៧ឆ្នាំម្នាក់ត្រូវបានគេប្រទះឃើញកាលពីវេលាម៉ោងប្រមាណ១១ព្រឹក ថ្ងៃទី២៧ ខែវិច្ឆកា ដោយឃាតករសម្លាប់ញាត់ក្នុងការ៉ុងពណ៌ស ហើយយកទៅប្លុងចោលក្នុងព្រៃមួយកន្លែងស្ថិតក្នុងភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ។
តាមការឱ្យដឹងពីឈ្មោះនួន ណាក់ ភេទប្រុស អាយុ២៣ឆ្នាំ ត្រូវជាពូក្មេងស្រីរងគ្រោះបានរៀបរាប់ថា ក្មេងស្រីដែល ស្លាប់ឈ្មោះប៊ុន ស្រីមុំ អាយុ៧ខែ រស់នៅជាមួយគាត់ក្នុងភូមិកើតហេតុ ខណៈម្តាយ ឪពុករបស់នាងមិនរស់នៅស្រុកខ្មែរទេ បានទៅស៊ីឈ្នួលគេនៅក្នុងទឹកដីថៃអស់ហើយ។ ប្រភពបានបន្តថា ក្មេងស្រីរងគ្រោះបានបាត់ពីផ្ទះតាំងពីវេលាម៉ោងប្រមាណជាង១រសៀល បន្ទាប់មកក្រុមគ្រួសារបាននាំគ្នាដើររកស្ទើរគ្រប់កន្លែង តែរកមិនឃើញ ។
លុះនៅព្រឹកថ្ងៃទី២៦ វិច្ឆកា ក្មេងៗបាននាំគ្នាដើរទៅបេះផ្លែស្វាយនៅដីឡូត៍ទំនេរខាងជើងផ្ទះ ជនរងគ្រោះចម្ងាយប្រមាណ២០០ម៉ែត្រដែលមានព្រៃល្បោះផងនោះ ក៏ស្រាប់តែប្រទះឃើញសពក្មេងស្រីរងគ្រោះត្រូវគេសម្លាប់ញាត់ក្នុងការ៉ុងពណ៌សបង្កឱ្យមានការភ្ញាក់ផ្អើលតែម្តង ៕
0 comments:
Post a Comment