តារាកំប្លែងប្រចាំ ក្រុមនាយ កុយ រាងតូចល្អិត នាយ ក្រិន បន្ទាប់ពីបានរៀបការ រួចមកតារាកំប្លែងរូបនេះ មានទឹកមុខ ស្រស់ស្រាយ សប្បាយចិត្ត និងមានសុភមង្គល មិនចាញ់ គូស្វាមីភរិយា ដទៃឡើយ ។
ប៉ុន្តែជាក់ស្តែងកាល ពីពេលថ្មីៗនេះ តារាកំប្លែងមាឌតូចល្អិត តែសម្ដីធំរូបនេះ មានការលេចលឺព័ត៌មានមិនល្អពីចំណងស្នេហ៍ប្តីប្រពន្ធរបស់តារាកំប្លែង រូបនេះ ។
ប៉ុន្តែយ៉ាងណាក៏ដោយ នាយក្រិន តែងតែចេញមុខច្រានចោលពីរឿងនេះ ។ ហើយថ្មីៗនេះ នាយក្រិន ក៏បានទិញវត្ថុអនុស្សាវរីយសម្រាប់ភរិយារបស់ខ្លួនគឺទូរស័ព្ទ iPhone 7 plus ដែលធ្វើឱ្យភរិយាញញឹមបិទមាត់មិនជិត ។
ក្រោយពីបានទទួលកាដូទូរស័ព្ទដ៏ស្រស់ស្អាតពីស្វាមី ភរិយារបស់តារាកំប្លែងរូបនេះបានសម្តែងនូវអារម្មណ៍សប្បាយរីករាយយ៉ាងខ្លាំង ចំពោះស្វាមីរបស់ខ្លួន ហើយប្រាប់ថា ទម្រាំបានកាដូមួយនេះស្វាមីរបស់នាងខំប្រឹងណាស់ ។
ជាមួយគ្នានោះ ភរិយារបស់ នាយក្រិន បានសរសេរសារបង្ហោះថា ៖ « កុំចាំមានអ្វីគ្រប់យ៉ាងទើបសាងវា យើងសាងពេលវេលាល្អឱ្យគ្នា ដោយមិនបាច់ចាំមានអ្វីគ្រប់យ៉ាង គ្រាន់តែយើងចេះអត់ឱនឱ្យគ្នាទៅវិញ ទៅមក ស្រឡាញ់គ្នាយល់ចិត្ដគ្នា យកចិត្ដទុកដាក់គ្នា នេះហើយជាកម្លាំងចិត្ដគ្រប់យ៉ាងគឺស្ថិតនៅលើ យើងជាអ្នកសម្រេច គ្រប់គ្នាតែងតែសួរខ្ញុំថា ហេតុអីបានជាស្រឡាញ់គាត់ ខ្ញុំឆ្លើយថា ខ្ញុំស្រលាញ់គាត់ ព្រោះគាត់ជាមនុស្សម្នាក់ ដែលយល់ចិត្ដ មើលថែឱ្យកម្លាំងចិត្ដ ពេលដែលជួបបញ្ហា គាត់ដើរតួជាប៉ា ជាម៉ាក់ ជាប្ដីដ៏ល្អបំផុតទាំងពេលសប្បាយ ពេលជួបទុក្ខ» ។
ទោះបីជាមិនមានកាយសម្បទាគ្រប់គ្រាន់ ក៏ពិតមែន តែនាយក្រិន មានសំណាង ដែលមានភរិយា និង កូនប្រុសស្រី ដែលមានកាយសម្បទា ដល់ទៅពីរនាក់ ។ ពេលនេះដែរ នាយក្រិនរស់នៅក្នុងជីវភាពគ្រាន់បើ ។ ក្រៅពីអាជីពកំប្លែង នាយក្រិន ក៏មានហាងលក់គ្រឿងក្លែម ដែលមានឈ្មោះថា« ជួបគ្នានៅហាងនាយក្រិន » ផងដែរ ៕
ប្រភព៖ khmerkomsan
0 comments:
Post a Comment