នៅក្នុង Facebook របស់ ឯកឧត្ដមបណ្ឌិត ម៉ុង ឫទ្ធី H.E Oknha Mong Reththy បានរៀបរាប់អំពីជីវិតរបស់អ្នកក្រពីរប្រភេទ មួយអ្នកដើរសុំទានគេ ហើយមួយទៀតអ្នកក្រតែខំធ្វើការដោយមិនដើរសុំទានទេបើទោះជាក្រក៏ដោយ។ ក្នុងនោះគាត់បានបញ្ជាក់ប្រាប់ថា៖
ក្រោយពីបានឃើញរូបភាពតាមបណ្តាញសង្គមថាអ្នកសុំទានរកប្រាក់បានខ្ទង់ពាន់ដុល្លាក្នុង១ខែៗ ថៃ្ងនេះខ្ញុំសុំរំលឹកប្រវត្តិតើហេតុអ្វីបានជាហៅអ្នកសុំទានមកហូបអាហារនៅKFC និងទៅចូលរួមហូបនំបញ្ចុកជាមួយប្រជាជនក្រីក្រ នេះមកពីខ្ញុំចង់ដឹងការពិតហូបអាហារបន្តើរសាកសួសុខទុកពួកគាត់បន្តើរ អ្នកសុំទាន៤នាក់នេះខ្លះមានស្រុកកំណើតនៅខេត្តព្រៃវែង ខ្ញុំលើកយកតែម្នាក់ដែលមានស្រុកកំណើតនៅឃុំលាយបូរខាងលិចទីរួមខេត្តតាកែវ គាត់មកសុំទានតាំងតែពីមានកូន១រហូតមកដល់ពេលនេះមានកូន៣នាក់ ទុកកូន២ឱ្យប្តីមើលគាត់មកសុំទានយកទៅចិញ្ចើមកូននិងប្តីយកកូន១មកបីជាប់និងដៃ គាត់ប្រាប់ខ្ញុំថាសុំទានរយៈពេល៥ឆ្នាំសល់ពីការចំណាយបានសាងសង់ផ្ទះ១ខ្នងនៅដូចគេដូចឯងដែ ។
មែនទែនទៅខ្ញុំខ្មាស់ពួកគាត់ណាស់ខំតែបបួលពួកគាត់ឱ្យទៅធ្វើការងារ និងផ្តល់ទីជម្រកសំរុំដល់ពួកគាត់តែការពិតដូចខាងលើទៅវិញ។
ចំណែកឯប្រជាជនក្រីក្រចំណាកស្រុកដែលខ្ញុំបានហូបនំបញ្ចុកជាមួយពួកគាត់ ខ្ញុំបានសំណះសំណាលដូចគ្នាដែលជាចម្លើយរបស់ពួកគាត់ថាសុខចិត្តបញ្ចេញពលកម្មលុះក្ស័យ មិនលើកដែសុំទានគេជាដាច់ខាតជាបន្តបន្ទាប់ខ្ញុំបានសាងសង់ផ្ទះចំនួន៦៣ខ្នងស្មើនឹង១២៦ស្វែងបណ្តោយ១២ម៉ែត្រគុណនឹង៥ម៉ែត្រ ចែកជូនពួកគាត់បានរស់នៅមានហេដ្ឋារចនាសម្ព័ន្ធផ្លូវ ទឹក ភ្លើង សាលារៀន មន្ទីរពេទ្យ វត្តអារាម ៕ល៕
ខាងលើនេះទុកគ្រាន់តែជាគតិចែកជូនដល់ប្រីយមិត្តFB យកទៅគឹតគូពិចារណាមុននិងធ្វើអំណោយទាន តើយើងត្រូវជ្រើសរើសយកជម្រើសទី១ឬទី២ ។
0 comments:
Post a Comment