យុវជនម្នាក់ត្រូវបានចាប់ខ្លួនដោយជាប់ចោទថា ចាប់រំលោភសេពសន្ថវៈលើនាងក្រមុំម្នាក់រហូតបានសម្រេចជាច្រើនដង ចំណែកឯបុរសម្នាក់ទៀតដែលត្រូវជាបងប្រុសរបស់យុវជននោះក៏រងការចោទប្រកាន់ថាចាប់រំលោភនាងក្រមុំម្នាក់នោះដែរ ដែលពេលនេះកំពុងតែគេចខ្លួនទៀតផង។ ការចាប់ខ្លួននោះបានធ្វើឡើងកាលពីវេលាម៉ោង១១និង៥០នាទីថ្ងៃត្រង់ ថ្ងៃទី២៣ ខែមេសា ឆ្នាំ២០១៧ នៅក្នុងភូមិអង្គកែវ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
អ្នកទោសស្នេហាដែលត្រូវចាប់ខ្លួននោះឈ្មោះ ឆក់ ឃុនឆាង អាយុ១៩ឆ្នាំ មានស្រុកកំណើតនៅក្នុងភូមិភ្នំកុង ឃុំភ្នំកុង ស្រុកអង្គជ័យ ខេត្តកំពត មុខរបរកម្មករស្ថាបនាផ្លូវថ្នល់ និងស្នាក់នៅផ្ទះជួលនៅក្នុងភូមិកើតហេតុខាងលើ ដោយឡែកបងប្រុសរបស់គេដែលជាអ្នកទោសស្នេហាដូចគ្នានោះឈ្មោះ ចក់ ចន្នី អាយុ២៥ឆ្នាំ មុខរបរមិនពិតប្រាកដ មានស្រុកកំណើតនៅក្នុងភូមិពេជ្យចង្វារ ឃុំភ្នំកុង ស្រុកអង្គជ័យ ខេត្តកំពត កំពុងរត់គេចខ្លួន។ ដោយឡែកនាងក្រមុំរងគ្រោះអាយុ១៧ឆ្នាំ ស្នាក់នៅផ្ទះជួល ។
នាងក្រមុំរងគ្រោះបានប្រាប់ពូបង្កើតរបស់នាងថា យុវជនទាំងពីរនាក់បងប្អូននោះ បានធ្វើសកម្មភាពចាប់រំលោភសេពសន្ថវៈលើនាងបានសម្រេចច្រើនដងជាបន្តបន្ទាប់មកហើយ កាលពីអំឡុងមុនពេលបុណ្យចូលឆ្នាំខ្មែរកន្លងមកនេះ រហូតធ្វើឲ្យនាងរងការហើមប្រដាប់ភេទ និងមានការឈឺចាប់យ៉ាងខ្លាំង។ បន្ទាប់ពីបានដឹងភ្លាមបុរសជាពូរបស់នារីរងគ្រោះមានការខឹងច្រឡោតយ៉ាងខ្លាំង និងបាននិយាយថា ជនទាំងពីរនាក់នោះ មើលងាយ មើលថោកពូជអម្បូររបស់ខ្លួន ហើយក៏ធ្វើដំណើរទៅកាន់ប៉ុស្ដិ៍ចោមចៅដាក់ពាក្យបណ្ដឹងសុំឲ្យនគរបាលជួយអន្តរាគមន៍ចាប់ខ្លួនបានម្នាក់ និងរត់រួចម្នាក់តែម្ដង។
ដោយឡែយុវជនខាងលើបាននិយាយថា រូបគេ និងនាងក្រមុំម្នាក់នោះ មានទំនាក់ទំនងស្នេហាជាមួយគ្នារយៈពេល៧ខែមកហើយ រហូតឈានដល់ការរួមមេត្រីជាមួយគ្នាបានចំនួន៥លើកដោយការស្ម័គ្រចិត្តជាបន្តបន្ទាប់ គ្មានការបង្ខិតបង្ខំឡើយ។ មិនតែប៉ុណ្ណោះខ្លួន និងនាងបានស្រលាញ់គ្នាខ្លាំងណាស់ លុះរយៈពេល២ខែចុងក្រោយនេះ ខ្លួនបានសុំលាសង្សារសំណព្វចិត្តទៅធ្វើការជាកម្មករស្ថាបនាផ្លូវថ្នល់ឯខេត្តមណ្ឌលគីរី និងបានប្រាប់ឲ្យនាងនៅរង់ចាំខ្លួនត្រឡប់មកវិញ។ ប៉ុន្តែក្រោយពេលដែលខ្លួនចាក ចេញទៅធ្វើការការបាត់ នាងបានប្រែចិត្តដោយមានទំនាក់ទនងស្នេហ៍ថ្មីជាមួយនឹងបងប្រុសបង្កើតរបស់ខ្លួន និងបានឈានដល់ការឡើងគ្រែរួមរ័កគ្នានៅក្នុងផ្ទះជួលបានសម្រេចចំនួន៣ដងទៀតផងដែរ។
ប្រភពដដែលបានបន្តថា ពេលនោះខ្លួនមិនបានដឹងរឿងនោះឡើយ ដោយគិតថា សង្សារមានចិត្តស្មោះត្រង់ លុះដល់ថ្ងៃទី១១ មេសា មុនពេលបុណ្យចូលឆ្នាំថ្មីប្រពៃណីជាតិខ្មែរ ទើបខ្លួនត្រឡប់មកពីខេត្តមណ្ឌលគីរីវិញ ហើយបានផឹកស៊ីជុំគ្នាជាមួយបងប្រុសរហូតដល់វេលាម៉ោង៩យប់ ទើបចូលទៅជួបជាមួយនាង និងបានរួមរ័កមេត្រីជាមួយនាងនោះម្ដងទៀត ប៉ុន្តែនាងមិនបានប្រកែក ឬរើបំរះនោះឡើយ។
ហើយក្រោយមកខ្លួនក៏បានចាកចេញពីក្នុងបន្ទប់ ចំណែកនាងមិនបានចេញក្រៅនោះឡើយ ដោយនៅអង្គុយមើលទូរទស្សន៍នៅក្នុងបន្ទប់នោះម្នាក់ឯង ហើយក្រោយពេលខ្លួនចាកចេញមកក្រៅមិនបានចាប់អារម្មណ៍ថា បងប្រុសបង្កើតរបស់ខ្លួនក៏បានចូលទៅរួមរ័កជាមួយនាងបន្តទៀត ហើយរយៈពេលជាង១ម៉ោងទើបរួច។ លុះក្រោយមកនាងក៏បានធ្វើដំណើរទៅស្រុកកំណើតចូលឆ្នាំ បាត់រហូតដល់ព្រឹកថ្ងៃកើតហេតុ នាងបានប្រាប់ពូនាងដែលត្រូវជាបងថ្លៃរបស់ខ្លួនថា ខ្លួន និងបងប្រុសចាប់រំលោភនាង ហើយពូនាងក៏ប្ដឹងនគរបាលឲ្យចាប់ខ្លួនតែម្ដង៕
0 comments:
Post a Comment