រើសថ្ងៃបានល្អម្លេះ៖ ថ្ងៃជ័យ សុគន្ធ នីសា និងគូដណ្តឹង ចំថ្ងៃពិសេស ថ្ងៃ………………..

ភ្នំពេញ៖ តារាចម្រៀងស្រីកញ្ញា សុគន្ធ នីសា មុននេះបានសារភាពថ្ងៃក្រាបផ្ទឹមជាមួយនឹងបុរសអាណិកជនខ្មែរអា មេ​រិក នៅវេលាចុងឆ្នាំ២០១៧ នៅសណ្ឋាគារលំដាប់ផ្កាយ៥ សូហ្វីតែលភូកេត្រា ទាំងការបិតបាំងថ្ងៃក្រាបផ្ទឹមពិតថា នៅថ្ងៃណានោះទេ ។​ ប៉ុន្តែនឹងវេលាខិតកាន់តែជិតនោះ ក៏ត្រូវបានអ្នកសិល្បៈទម្លាយថា «ថ្ងៃពិសេសរបស់ សុគន្ធ នី​សា និងគូដណ្តឹងអាណិកជនរួមរស់ជាមួយគ្នា៦ឆ្នាំឈ្មោះ សាំបា​ នោះ និងធ្វើឡើងចំថ្ងៃឆ្លងឆ្នាំតែម្តង។

ព្រមនឹងដំណឹង សុគន្ធ នីសា សម្រេចជ្រើសរើសថ្ងៃឆ្លងឆ្នាំ ធ្វើ ជាថ្ងៃក្រាបផ្ទឹមបញ្ចប់ជីវិតនៅលីវ ជាមួយនិ​ង​គូ​ដ​ណ្តឹ​ង​អា​ណិ​ក​ជនខ្មែរអាមេរិកនោះ ក៏មិនស្ងប់ផងដែរ ព័ត៌មានមហាជនថា«ហេតុផល ដែល នីសា ប្រកាសរៀបការនេះ​​ ក៏ព្រោះ​ចង់ប្រជែង ជីវិតអាពាហ៍ពិពាហ៍របស់អតីតសង្សារ ជាង​កន្លះទស្សវត្ស កវី សុខ ជំនោរ ក្រាបផ្ទឹមនឹងនារី បុ​គ្គ​លិកធនាគារ នៅចុងឆ្នាំ២០១៧នេះដែរ»។ ក្នុងនោះក៏មានអ្នកសិល្បៈបង្ហើបថា «យ៉ាងណា ថ្ងៃអា​ពាហ៍ពិ​ពា​ហ៍ សុគន្ធ នីសា និងគូដណ្តឹងរួមរស់ជាមួយគ្នា៦ឆ្នាំនោះ ដើរក្រោយថ្ងៃជ័យកវី អតីតគូស្នេហ៍នាងមួយជំហ៊ាន ដែ​លនាងបណ្តោយឲ្យដល់ថ្ងៃឆ្លងឆ្នាំ នោះ»។

តែយ៉ាងណា មហាជន ហាក់សាទរ និងគាំទ្រយ៉ាងច្រើនកុះករ សម្រាប់ការសម្រេចចិត្តរបស់ តារាចម្រៀង សុគន្ធ នីសា សម្រាប់ថ្ងៃក្រាប់ផ្ទឹមចំថ្ងៃឆ្លងឆ្នាំនោះ ។ ដោយពួកគេថា «កម្រណាស់ គូស្នេហ៍រៀបការថ្ងៃដ៏ពិសេសនេះ ។ ថ្ងៃនេះគឺជាថ្ងៃល្អ សង្ឃឹមគូស្នេហ៍សុគន្ធ នីសា និងគូដណ្តឹង រៀបការ សម្រេចបំណងសុភមង្គល ថែរក្សាគ្នាលុះចា​ស់​កោ​ង​ខ្នង»។ គួរបញ្ចាក់ផងដែរថា សុគន្ធ និសា នឹងរៀបការថ្ងៃទី៣១ខែធ្នូឆ្នាំ២០១៧នេះ នៅក្នុងសណ្ឋាគារលំដាប់ផ្កា​យ​ប្រាំ សូហ្វីតែលភូកិត្រា ដែលមានភ្ញៀវជាអ្នកមានមុខមាត់ និងអ្នកសិល្បៈជាច្រើន ចូលរួមព្រោះតែអនាគតស្វា​មី​នាង មានទំនាក់ទំនងខ្លាំងជាមួយអ្នកជំនួញធំៗទាំងក្នុង និងក្រៅស្រុក ហើយសុគន្ធ និសា ក៏រាប់អានអ្នកសិល្បៈច្រើន គួរសមផងដែរ ហើយការចំណាយវិញក៏មិនធម្មតានោះដែរ៕ប្រភព dara-news