និយាយដល់អាគុប ប្រហែលអ្នកធ្លាប់ជិះដឹងពីប្រសិទ្ធភាពរបស់វាហើយ អាចនិយាយថាដូចជិះរបស់ទិព្វព្រោះមិនចេះខូច គុណភាពល្អមិនប្រែប្រួល និយាយរួមជិះម៉េចក៏មិនមានបញ្ហាដែរ។ ងាកមកហាងលក់ម៉ូតូមួយនៅទីក្រុងហាណូយប្រទេសវៀតណាមបានដាក់លក់ម៉ូតូ Honda Super Cub 70 ដែលជិះបានចម្ងាយ ៣៣ 0០០ គ.ម ទៅហើយនោះស្រាប់តែមានរឿងមួយដែលគេនឹកស្មានមិនដល់គ្រប់គ្នាគឺអាចលក់ក្នុងតម្លៃ ៨៥ លានដុង (ប្រហែល ៣ ៧០០ ដុល្លារ)។
ដោយឡែកបើតាមសម្ដីអ្នកលក់ឲ្យដឹងថាម៉ាស៊ីនម៉ូតូគឺជាម៉ាស៊ីនដើម (Original) មិនធ្លាប់ជួសជុល ឬ ដោះដូរឡើយតាំងពីប្រើបានប្រហែល ១៩ ឆ្នាំមក។ ចំណែកពណ៌ថ្នាំម៉ូតូ, ចង្កៀងបួនជ្រុង និង ហ្វ្រាំងវិញក៏នៅស្អាតអាចប្រើបាន។ Super Cub 70 នេះមានកម្លាំង ៧០ សេសេ និង ជាស៊េរីផលិតឡើងក្នុងឆ្នាំ ១៩៩៨៕
0 comments:
Post a Comment