Update: រន្ធត់ណាស់លោកអើយភ្លើងឆេះភ័យស្លន់ស្លោរកសោចាក់ទ្វាមិនឃើញសុខចិត្តសង្ងំនៅក្នុងផ្ទះទាល់តែភ្លើងឆេះស្លាប់ទាំងអស់៤នាក់ (មានវីដេអូ)

(ភ្នំពេញ)៖ មន្ត្រីពន្លត់អគ្គិភ័យបានឲ្យដឹងថា អគ្គិភ័យដែលបានឆាបឆេះហាងមួយមានស្លាកយីហោ «អេស ធី ស៊ី កុំព្យូទ័រ» ស្ថិតនៅម្ដុំផ្សារតូច សង្កាត់ទួលសង្កែ ខណ្ឌឫស្សីកែវ នាយប់ថ្ងៃទី១៦ ខែតុលា ឆ្នាំ២០១៧នេះ បានឆក់យកជីវិតមនុស្សរហូតដល់៤នាក់ (ប្រុសទាំងអស់) ដែលស្លាប់នៅក្នុងអណ្តាតភ្លើងទាំងកណ្តាលរាត្រី។
មានសេចក្ដីរាយការណ៍ពីកន្លែងកើតហេតុផ្ទាល់បានឲ្យដឹងថា មន្ត្រីពន្លត់អគ្គិភ័យបានប្រាប់ថា ជនរងគ្រោះទាំងអស់កើនដល់៤នាក់ ដែលបានស្លាប់ដោយសារ អគ្គិភ័យឆាបឆេះខាងលើនេះ ខណៈនេះសពបានយកចេញអស់ហើយ។ ចំណែកមូលហេតុនៃការឆាបឆេះនេះសមត្ថកិច្ចសង្ស័យថា អាចមកពីការឆ្លងចរន្តអគ្គិសនី។


ក្នុងនោះដែរ គេក៏ឃើញមានវត្តមានរបស់លោក ឃួង ស្រេង អភិបាលរាជធានីភ្នំពេញ និងនាយឧត្តសេនីយ៍ ជួន សុវណ្ណ ស្នងការនគរបាលរាជធានីភ្នំពេញ ព្រមទាំងអភិបាលខណ្ឌ និងមន្រ្តីរដ្ឋបាលមួយចំនួន ចុះជួយអន្តរាគមន៍ក្នុងហេតុការណ៍នោះផងដែរ។



អគ្គិភ័យនេះបានឆាបឆេះតាំងពីម៉ោងជាង១១យប់ថ្ងៃ រហូតដល់ម៉ោង១៖២០នាទីយប់ឆ្លងចូលថ្ងៃទី១៧ ខែតុលា ឆ្នាំ២០១៧ ទើបពន្លត់ទាំងស្រុង និងជួយអន្តរាគមន៍យកសាកសពចេញពីខាងក្នុងផ្ទះ៕





























សូមទស្សនាវីដេអូ៖



ប្រភព៖Video live TV fb