ពេលនេះអ្នកនាងកាតុជួបទុក្ខធំហើយ ចូលរួមរំលែកទុក្ខផង!!!

អ្នកនាង កាតុ ជាពិធីការនី និងអ្នកកំប្លែងស្រីមួយរូបដ៏មានសមត្ថភាព និងទេពកោសល្យសិល្បៈគួរឲ្យសរសើរ។ ក្រោយពីលេចលឺដំណឹងថាប្អូនស្រីជីដូនមួយរបស់អ្នកនាងកំពុងតែទទួលការព្យាបាលជំងឺកាលពីពេលកន្លងទៅនេះ ជាហេតុធ្វើឲ្យតារាស្រីរូបនេះតែងតែឆ្លៀតពេលទៅសួរសុខទុក្ខប្អូនគ្រប់ពេលមិនដែលខាន ដោយសារតែចិត្តអានិតស្រលាញ់។



ស្រាប់តែកាលពីព្រឹកថ្ងៃទី ១៧ ខែតុលា ឆ្នាំ២០១៧ នេះ តារាកំប្លែងរូបនេះបានឲ្យដឹងថា ប្អូនស្រីរបស់អ្នកនាងបានលាចាកលោកនេះទៅហើយ ដោយជម្ងឺមហារីកសួត។ អ្នកនាងកាតុពិតជាមានភាពក្រៀមក្រំ និងសោកសៅក្នុងចិត្តយ៉ាងខ្លាំង ព្រមទាំងបានបង្ហោះសារពោលពាក្យស្រណោះប្អូនស្រីថា៖ «សូមប្អូនស្រីទៅកាន់សុគតិភពអោយបានសុខបងលែងបានឃេីញប្អូនទៀតហេីយចាប់ពីថ្ងៃនេះតទៅ»។ យ៉ាងណាមិញ ពិធីបុណ្យសពរបស់ប្អូនស្រីអ្នកនាងកាតុ ក៏បានប្រារព្ធឡើងយ៉ាងស្ងប់ស្ងាត់ និងក្រោមការសោកស្ដាយបំផុតពីសាច់ញាតិ ក្រុមគ្រួសារ៕