មូលហេតុអ្វីទើប​ ​Ronaldo ចាំបាត់ដាក់លក់ដេញថ្លៃពានរង្វាន់ Ballon d’Or???

Ronaldo សម្រេចដាក់លក់ដេញថ្លៃពានរង្វាន់ Ballon d’Or របស់ខ្លួន ដើម្បីរៃអង្គាសប្រាក់ ក្នុងសកម្មភាពសប្បុរសធម៍

ពានរង្វាន់ Ballon d’Or ដែល Ronaldo ឈ្នះនៅក្នុងឆ្នាំ២០១៣ ត្រូវបានដាក់លក់ដេញថ្លៃនៅក្នុងកម្មវិធីសប្បុរសធម៍មួយ មានឈ្មោះថា «Make-a-Wish Foundation» ដែលធ្វើឡើងនៅសណ្ឋាគារ Dorchester ក្នុងទីក្រុងឡុងដ៍ ប្រទេសអង់គ្លេស។

មូលនិធិដែលទទួលបានពីការដាក់លក់ដេញថ្លៃពានរង្វាន់នេះ មានចំនួនរហូតទៅដល់ ៦០ម៉ឺនផោន (ជិត៨០ម៉ឺនដុល្លារ)។ ដោយឡែក បើសរុបពីមូលនិធិទាំងមូលក្នុងកម្មវិធីនេះវិញ រៃអង្គាសបានចំនួនទឹកប្រាក់រហូតដល់ ២.៧លានផោន លើសពីទិសដៅដែលបានគ្រោងទុកទៅទៀត។

ចំពោះប្រាក់ដែលរៃអង្គាសបានក្នុងកម្មវិធីសប្បុរសធម៍នេះ នឹងត្រូវយកទៅបរិច្ចាកដើម្បីព្យាបាលកុមារជាច្រើនដែលកំពុងមានជំងឺ ក៏ដូចជារងការគំរាមកំហែងដល់អាយុជីវិតផងដែរ។

គួរបញ្ជាក់ថា Ronaldo កំពុងហ្វឹកហាត់ជាមួយក្រុមជម្រើសជាតិព័រទុយហ្គាល់ ដើម្បីត្រៀមជួយក្រុម បន្តប្រកួតក្នុងយុទ្ធនាការ ជម្រុះពានរង្វាន់ World Cup នៅក្នុងតំបន់អឺរ៉ុប៕



Ronaldo សម្រេចដាក់លក់ដេញថ្លៃពានរង្វាន់ Ballon d’Or របស់ខ្លួន ដើម្បីរៃអង្គាសប្រាក់ ក្នុងសកម្មភាពសប្បុរសធម៍



ពានរង្វាន់ Ballon d'Or ដែល Ronaldo ទទួលបានក្នុងឆ្នាំ២០១៣

ពានរង្វាន់ Ballon d'Or ដែល Ronaldo ទទួលបានក្នុងឆ្នាំ២០១៣