រឿងអាចារ្យម្នាក់ឈ្មោះ មាស សំណាង ទាលុយថ្លៃបុណ្យសពតារាចម្រៀង សាន ស្រីឡៃ ២៦០០ដុល្លារ ពីក្រុមហ៊ុនហង្សមាស បានធ្វើឲ្យមានការរិះគន់យ៉ាងខ្លាំង ព្រោះគិតថាមិនគួរណាយកសពធ្វើអាជីវកម្ម។ ពេលនេះ អាចារ្យ មាស សំណាង បានធ្វើការបកស្រាយការពិតហើយ។
លោកអាចារ្យ មាស សំណាង បានបំភ្លឺថា តម្លៃ ២៦០០ ដុល្លារនោះ គឺបានចរចារគ្នាជាមួយក្រុមហ៊ុនហង្ស មាស តាំងពីយប់ថ្ងៃទី ១៦ ខែ តុលា ហើយលុយនោះគឺយកមកចាត់ចែងកម្មវិធីផ្សេងៗ។ លោកអាចារ្យដែលល្បីថាមានតំណែងធំ នៅក្រសួងធម្មការ និងសាសនា បានបញ្ជាក់ថា ២៦០០ដុល្លារ យកមកចំណាយសម្រាប់ អាចារ្យ យោគី ៥ នាក់ តម្លៃ ៥០០ ដុល្លារ ក្ដារម្ឈូសតម្លៃ ១៥០ ដុល្លារ និងទិញគ្រឿងចាត់ចែងពីធីបុណ្យសព ៧០០ ដុល្លារ ហយឧបត្ថម្ភដល់វត្តសែនសុខ ១២៥០ ដុល្លារ ។ ចំពោះក្រដាសដែលសរសេរនោះ គឺមិនមែនលោកជាអ្នកសរសេរទេ។
យ៉ាងណាក្ដី នៅពេលបុគ្គលិករបស់ទូរទស្សន៍ ហង្សមាស មកជួបស្រាប់តែប្រាប់ថាអត់មានលុយអោយទេ ។ លោកអាចារ្យ មាស សំណាង បានបន្តទៀតថា ពេលលឺបុគ្គលិកទូរទស្សន៍ហង្ស មាស ឆ្លើយថាអត់មានលុយ លោកក៏បាននិយាយថា៖ “ទូរទស្សន៍ ហង្សមាស ប៉ុនណាណីម្ដេចអត់លុយអោយអញ្ចឹង?” បន្ទាប់ស្រាប់តែបុគ្គលិកហង្សមាស រាយការណ៍ទៅលោក មាស រឹទ្ធី ផ្ទុះរឿងជំរឹតទារលុយ ២៦០០ ដុល្លារ បើមិនអោយ អោយដឹកសពចេញទៅវិញ។លោកអាចារ្យ មាស សំណាង បានលើកឡើងថា លោកមិនបាននិយាយអោយដឹកសពចេញនោះទេ ហើយតម្លៃដែលលោកបានប្រាប់ទូរទស្សន៍ ហង្ស មាស ក៏លោកបានជជែកតម្លៃគ្នាជាមុនជាមួយទូរស្សន៍ ហង្ស មាស តាំងពីយប់ថ្ងៃទី ១៦ តុលា មកម្ល៉េះ៕
0 comments:
Post a Comment