អស្ចារ្យណាស់!!! កូនប្រុសដើមទ្រូងប្រាំហាត់ហ៊ាននិយាយពិតជាហ៊ានធ្វើមែន ពិតជាមិនធ្វើអោយបុរសផ្សេងៗបាក់មុខទេ​.... !!!!

នៅចាំប្អូនប្រុសនេះគាត់ថាបើ ពេជ្រថៃ ជាប់នឹងទៅបួស តែឥឡូវគាត់បានធ្វើតាមសន្យាហើយ កូនប្រុសនិយាយម៉ាត់ណាគឺម៉ាត់និង….

កាលពីយប់ថ្ងៃទី១៤ តុលា ២០១៧ កន្លងទៅ កម្មវិធី The Voice Kids Cambodia ឈានដល់វគ្គផ្ដាច់ព្រ័ត្រដែលលក្ខខណ្ឌកម្មវិធីតម្រូវអោយជ្រើសយកបេក្ខជនតែមួយរូបប៉ុណ្ណោះក្នុងចំណោមបេក្ខជនសរុបទាំងអស់០៦នាក់ដើម្បីក្លាយជាម្ចាស់ជ័យលាភីប្រចាំរដូវកាលទី១ ។ អ្វីដែលគួរអោយកត់សម្គាល់នោះមានអ្នកប្រើប្រាស់បណ្ដាញសង្គមហ្វេសប៊ុកមួយចំនួនធ្វើការទស្សន៍ទាយនូវបេក្ខជនដែលគេស្រលាញ់អាចនឹងក្លាយជាម្ចាស់ពានរង្វាន់ ប៉ុន្ដែខ្លះទៀតបង្ហាញការមិនពេញចិត្តចំពោះសមត្ថភាពកុមារា ពេជ្រ ថៃ រហូតហ៊ានភ្នាល់អត់បាយ ញ៉ាំបួស បែកពីសង្សារ ….។ល។




ក្នុងនោះដែរប្អូនប្រុសដែលមានហ្វេសប៊ុកឈ្មោះ Mrr La New បានសន្យាថា សុខចិត្តកោរសក់បួសមួយសប្ដាហ៍ប្រសិនបើ កុមារា ពេជ្រ ថៃ លើកពាន ។ នៅពេលប្រកាសលទ្ធផល គឺកុមារា ពេជ្រ ថៃ ក្លាយជាម្ចាស់ជ័យលាភីប្រចាំកម្មវិធី The Voice Kids Cambodia រដូវកាលទី១នេះ ។ ដូច្នេះទើបប្អូនប្រុសម្ចាស់ហ្វេសប៊ុកខាងលើកោរដក់បួសតាមសន្យា ។ ប្អូនបានសរសេររៀបរាប់ថា៖ «កូនប្រុសនិយាយម៉ាតណាគឺម៉ាតនឹង លើកមុនខ្ញុំបាននិយាយថា  បើពេជ្យថៃលើកពានខ្ញុំសុខចិត្តកោសក់បួសមួយសប្ដាហ៍បឥឡូវខ្ញុំបានបួសហើយ ហើយសូមមិត្តទាំងអស់គ្នាជួយShareផង។កុំអោយគេនិយាយថាកូនប្រុសបានតែនិយាយ។»