ពេលថ្មីៗនេះមានសត្វក្រពើចំនួន ៧៨ ក្បាលរួចផុតពីកសិដ្ឋានចិញ្ចឹមសត្វដែលឋិតនៅក្នុងខេត្ត Sichuan ប្រទេសចិន ហើយពេលនេះត្រូវបានបណ្តាមហាជនចែកចាយបន្តគ្នាជាច្រើនដើម្បីផ្តល់ជាដំណឹងឲ្យមានការប្រុងប្រយ័ត្នផងដែរ។
បើយោងតាមសារព័ត៌មាន Chengdu Business Daily គេបានប្រាប់ឲ្យដឹងថា សត្វក្រពើតូចៗដែលមានប្រមាណ ៧៨ ក្បាល បានរួចពីកសិដ្ឋានដោយសារមានកំហុសបច្ចេកទេស ពេលដែលកំពុតធ្វើការជួសជុលទីកន្លែងចិញ្ចឹមរបស់ពួកវា។ មកទល់នឹងពេលនេះបុគ្គលិកក្នុងកសិដ្ឋានបានរកឃើញក្រពើចំនួន ៧៣ ក្បាលដាក់ចូលកសិដ្ឋានវិញហើយ តែនៅសល់ ៥ ក្បាលទៀត មិនទាន់ដឹងថានៅទីណានៅឡើយ ។
ក្នុងនោះផងដែរមានប្រជាជនក្នុងតំបន់ជាច្រើននាក់់កំពុងតែមានការព្រួយបារម្ភយ៉ាងជាខ្លាំងលើបញ្ហានេះ ជាពិសេសខ្លាចសត្វសាហាវនេះធ្វើការបន្តពូជជាបន្តបន្ទាប់ទៀតកាន់តែច្រើនឡើងៗបើសិនជារកមិនឃើញទេ។ នៅពេលនេះ រដ្ឋាភិបាល និងមន្ត្រីក្នុងតំបន់បានចេញមុខធ្វើការលើករឿងនេះយ៉ាងទាន់ហន់ផងដែរ ដោយបានបញ្ជាឱ្យក្រុមជំនាញស្វែងរកសត្វក្រពើទាំងនេះឱ្យឃើញកាន់តែឆាប់កាន់តែល្អ មិនថាត្រូវសម្លាប់ ឬ យ៉ាងណានោះទេ។
គួរបញ្ជាក់ដែរថា ក្រពើដែលកំពុងស្ថិតក្រោមការស្វែងរកនេះជាពូជក្រពើ Siamese ដែលវាជាប្រភេទសត្វល្មូនដែលជិតនឹងផុតពូជទៅហើយ ហើយសត្វក្រពើប្រភេទនេះមានប្រមាណមិនដល់ ១ លានក្បាលផងទូទាំងអាស៊ីអាគ្នេយ៍៕
ប្រភព៖ http://news.ltn.com.tw
0 comments:
Post a Comment