ក្នុងថ្ងៃប្រកាសបើកសម្ពោធ ចាក់បញ្ចាំងស្នាដៃភាពយន្តរឿង ”ថតកុន” នាយ គ្រឿន លេងកប់ៗមាត់ថាតារាសិល្បៈ....

ភ្នំពេញ៖ នាយ គ្រឿន រំពេចពីរាស៊ីជីវិតអណ្តែងកាន់តែខ្ពស់ត្រដែត លើសពីអាជីពកំប្លែងនិងចម្រៀងដ៏មានប្រ​ជាប្រិយភាព ក៏ទទួលបានការទុកចិត្តលើសមត្ថភាពដឹកនាំសម្តែង ត្រូវបានចាងហ្វាងផលិតកម្មLD ឲ្យជំនួញតំ​ណែ​ង​ផងនោះ ។ក៏ផ្ទុះនាយ គ្រឿន បានប្រើពាក្យសំដីចំអកឲ្យតារាសម្តែងល្បីឈ្មោះម្នាក់កប់ៗមាត់រឿងតម្លៃថ្លៃថ្នូរសិល្បៈ។





ពាក្យសំដីដែល នាយគ្រឿន និយាយនោះហាក់មិនមានការលាក់លៀមនោះដែរ ខណៈតារាកំប្លែង ប្អូននាយ ពែ​ក​មី​ រូបនេះ បានប្រកាសលើឆាកតន្ត្រី ក្នុងថ្ងៃប្រកាសបើកសម្ពោធ ចាក់បញ្ចាំងស្នាដៃភាពយន្តរឿង ”ថតកុន” ដែ​ល​លោកបានសម្តែង និពន្ធ និងដឹកនាំសម្តែង។ តារាសម្តែងរូបនេះបាននិយាយនៅពីមុខសិល្បករជាច្រើនរូប និ​ង​​បាញ់ចំៗ ថា “តារាខ្លះស៊ីលុយថ្លៃ ប៉ុន្តែចរិកថោក”។





នាយ គ្រឿន បានបន្តទៀតថា ព្រោះតែសិល្បករនោះ មិនគោ​រ​ពតម្លៃខ្លួនពិសេសទាក់ទិននឹងការ មិនគោរពពេលវេលា ដោយសំអាងខ្លួនល្បីហើយ ទុកឲ្យសិល្បករដទៃចាំជាច្រើ​ន​នាក់។ លើសពីការមិនគោរពពេលវេលារបស់តារាល្បីមួយចំនួន លោកក៏ជួបនឹងរឿងហួសចិត្តជាច្រើន រហូតធ្វើឲ្យលោកសម្រេចចិត្ត ចងក្រងជាភាពយន្តមួយឡើង។ ជុំវិញបញ្ហាមិនគោរពពេលវេលារបស់សិល្បករ ធ្លាប់បានក្លាយជាប្រធានបទ និងដ៏ឈឺក្បាលរបស់ផលិតករមួយចំនួន ដែលពេលខ្លះត្រូវឲ្យសិល្បករដទៃចាំ និងពេលខ្លះត្រូវរំសាយការថត ព្រោះតែតារាសំខាន់អវត្តមាន៕









ប្រភព៖ dara-news.com