ពីមុនគេធ្លាប់តែស្រមើលស្រមៃ និង សិក្សាតាមផូស៊ីលហើយគូររូបរាងតាមការប៉ាន់ស្មានលើការសិក្សាតែប៉ុណ្ណោះ ។ ឥលូវនេះស្រាប់តែដាយណូស័រពិតគឺប្រាកដខ្លួនឡើងតាមរយៈការញាស់ពីពងវាដែលក្លាយជាថ្ម ២០០លានឆ្នាំមុនបន្ទាប់ពីគេយករក្សាទុកក្នុងសាមន្ទីរមួយនៅប្រទេសអាល្លឺម៉ង់ត្រូវនឹងកម្ដៅគ្រប់គ្រាន់សម្រាប់ការញាស់ ។ ពងដាយណូស័រមួយគ្រាប់ដែលញាស់បន្ទាប់ពីដាក់ក្នុងបន្ទប់មួយ ដែលមានទីតាំងនៅជាប់បន្ទប់កម្ដៅ ក្នុងសារមន្ទីរ Museum für Naturkunde របស់អាល្លឺម៉ង់ អាចញាស់បាននោះដោយសារប្រព័ន្ធកម្ដៅ ជួបបញ្ហាកើនកម្ដៅខ្ពស់ វាហាក់ដូចជាបង្កឲ្យមានដំណើរការនៃការញាស់ពង ដែលបណ្ដាលឲ្យពងមួយនេះញាស់តែម្ដង។
ស្របគ្នានោះលោក Gunther Warburg ដែលជាអ្នកស្រាវជ្រាវទាក់ទងនឹងផូស៊ីល នៅសារមន្ទីរ Museum für Naturkunde ក្នុងប្រទេសអាល្លឺម៉ង់ បាននិយាយថា “នេះគឺជាឱកាសដ៏កម្ររកបានមួយ សម្រាប់អ្នកវិទ្យាសាស្ត្រ។ សត្វដាយណូស័រប្រភេទ Gasosaurus នេះ ជាប្រភេទពពួកសត្វស៊ីសាច់ជាអាហារ ហើយវាមានដើមកំណើតនៅប្រទេសចិន”។
លោកសាស្ត្រាចារ្យរូបនេះ បានបកស្រាយទៀតថា “វានៅតែជាអាថ៌កំបាំង ព្រោះអ្វីដែលយើងធ្លាប់សិក្សាកន្លងមក គឺគ្រាន់តែជាបំណែកឆ្អឹងខ្លះៗតែប៉ុណ្ណោះ ប៉ុន្តែឥឡូវនេះយើងរកបានសត្វប្រភេទនេះ ដែលនៅមានជីវិតដើម្បីយកមកសិក្សា ដែលនេះធ្វើឲ្យខ្ញុំមានអារម្មណ៍ដូចស្ថិតនៅក្នុងខ្សែភាពយន្ត Jurassic Park អញ្ចឹង”។
យ៉ាងណាមិញក៏គួរបញ្ជាក់ផងដែរថា ប្រភេទសត្វដ៏កម្រនេះត្រូវបានបញ្ជូនទៅ Berlin Zoo ដែលត្រូវបានចាត់ទុកជាកន្លែង ដែលមានសុវត្ថិភាពក្នុងការធ្វើការសិក្សាស្រាវជ្រាវ តែទោះបីជាយ៉ាងនេះក្ដី ការបែកធ្លាយការពិតមួយចំនួនទាក់ទងនឹងដាយណូស័រនេះ បានធ្វើឲ្យសាធារណជនមានការព្រួយបារម្ភ ក្នុងនោះមានដូចជាទម្ងន់ (ប្រហែល១១គីឡូក្រាម) និងទំហំរបស់វាជាដើម (កម្ពស់ជាង៤១សង់ទីម៉ែត្រ)៕
ប្រភព៖ likefreevideo
0 comments:
Post a Comment