ខេត្តកណ្ដាល ក្រុងតាខ្មៅ៖ មានករណីស្ដ្រីម្នាក់ឈឺពោះឆ្លងទន្លេ (សម្រាលកូន) បណ្តាលឲ្យស្លាប់ម្តាយ ហេតុការណ៍នេះកើតឡើងកាលពីថ្ងៃទី០៧ខែតុលាឆ្នាំ ២០១៧ វេលាម៉ោង១៩និង៥០នាទី ចំនុចមន្ទីរពេទ្យសម្ពពម៉ានីភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល ។ ជនរងគ្រោះឈ្មោះ រឿន ដានី ភេទស្រី អាយុ ៣១ឆ្នាំ ជនជាតិខ្មែរ មុខរបរ ធើ្វធៀបការមានស្រុកកំណើតភូមិកំពង់ព្រឹង ឃុំសិត្បូ ស្រុកស្អាង ខេត្តកណ្តាល ។
យោងតាមការបំភ្លឺរបស់ម្តាយជនរងគ្រោះឈោ្មះឆាយ សោភណ្ឌ័ ភេទស្រី អាយុ៥៥ឆ្នាំ មុខរបរ មេផ្ទះ បានអោយដឹងថា នៅថ្ងៃកើតហេតុខាងលើ ជនរងគ្រោះបានប្រាប់ម្តាយថាឈឺពោះហេីយក៏បានរៀបចំឥវ៉ាន់ដើម្បីមកសំរាលកូននៅគ្លីនិកសម្ពពម៉ានី ពេលមកដល់ក៏បានយកជនរងគ្រោះចូលក្នុងបន្ទប់ លោកគ្រូពេទ្យក៏បានដាក់សេរ៉ូម អោយជនរងគ្រោះបានប្រហែលមួយសន្ទុះ ជនរងគ្រោះក៏បានឈឺពោះបែកទឹកភ្លោះ ហេីយគ្រូពេទ្យក៏បានចាប់ផ្តើមយកជនរងគ្រោះឡើងលើគ្រែ ដើម្បីសំរាកកូន ជនរងគ្រោះខំប្រឹងកើតទារកចេញមកហេីយទារកក៏សន្លប់គ្រូពេទ្យជួយសង្គ្រោះទារករួចហេីយក៏ជួយសង្គ្រោះជនរងគ្រោះប៉ុន្តែធ្លាក់ឈាមច្រើន ពេលនោះជនរងគ្រោះមានអារម្មណ៍ថប់ទ្រូង គ្រូពេទ្យក៏បានជួយសង្គ្រោះសង្កត់ទ្រូងប៉ុន្តែជនរងគ្រោះក៏បានស្លាប់បាត់ទៅហេីយ ។ បន្ទាប់មកក៏រាយការណ៍ជូនសមត្ថកិច្ចដើម្បីធើ្វការចុះពិនិត្យ ។
ការសន្និដ្ឋាន៖ តាមការពិនិត្យរបស់សមត្ថកិច្ចជំនាញបចេ្ចកទេសខេត្តកណ្តាលនិងផ្នែកពិនិត្យវិភាគកន្លែងកើតហេតុក្រុងតាខ្មៅលោកគ្រូពេទ្យសន្និដ្ឋានថា ជនរងគ្រោះសម្រាលកូនមានធ្លាក់ឈាមច្រើនបណ្តាយអោយស្លាប់ ។
ក្រោយពីពិនិត្យចប់សព្វគ្រប់សាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ករណីនេះសមត្ថកិច្ចកំពុងធ្វើការស្រាវជ្រាវតាមនិតីវិធី ៕
0 comments:
Post a Comment