លោក ជុំ កុសល វិភាគនូវមូលហេតុដែលកុមារា ពេជ្រ ថៃអាចកាន់ពានរង្វាន់ ហើយអ្នកដែលបានសន្យា ពេលនេះក៏ចេញមុខមកទទួលដែរ (មានវីដេអូស្តែងៗតែម្តង)

កាលពីប៉ុន្មានម៉ោងមុននេះលោក ជុំ កុសលបានបង្ហាញសារមួយចំនួនទាក់ទងការជាប់របស់កុមារា ពេជ្រ ថៃ ក្នុង កម្មវិធី The Voice Kids Cambodia រដូវកាលទីមួយដែលទើបតែបញ្ចប់កាលពីយប់មិញនេះ​ ដោយក្នុងនោះលោកបានរៀបរាប់ពីមូលហេតុដែលធ្វើឲ្យកុមារារូបនេះអាចកាន់ពានរង្វាន់ដ៏អស្ចារ្យមួយនេះបាន លោកបានគួសបញ្ជាក់ដូចខាងក្រោមនេះ៖
"តាមការកត់សំគាល់របស់ខ្ញុំ កម្មវិធីThe voice kids Cambodia នេះតាំងពីដើមកម្មវិធីរហូតដល់វគ្គFinal នេះគឺកម្មវិធីផ្តោតទៅលើក្មេងដែលមានទេពកោសល្យ ប្រជាប្រិយភាពច្រើនជាងក្មេងដែលមានសម្លេងពិរោះ ក៏ទោះបីជាមុនឈានចូលដល់វគ្គពាក់កណ្តាលផ្តាច់ព្រាត់និងផ្តាច់ព្រាត់នេះCoach គាត់ជ្រើសយកអ្នកមានសម្លេងពិរោះខ្លះមែន តែក្នុងវគ្គពាក់កណ្តាលផ្តាច់ព្រាត់និងផ្តាច់ព្រាត់ កម្មវិធីផ្តល់សិទ្ធិសម្រេចនេះទៅលើការVote ពីអ្នកទស្សនាទៅវិញ ។



ចំពោះក្មួយប្រុសពេជ្រ ថៃ បើនិយាយពីសម្លេងរបស់ក្មួយមិនជាលើសគេប៉ុន្មានទេ តែក្មួយមានទេពកោសល្យធម្មជាតិខ្ពស់ដូចជា ចេះនិយាយស្តីលេងសើច កាយវិការរស់រវើកដែលជាការទាក់ទាញអារម្មណ៍អ្នកទស្សនាបានច្រើនធ្វើអោយក្មួយមានប្រជាប្រិយភាពដល់កំពូលទើបក្លាយជាជ័យលាភីក្នងពេលនេះ ។
ឯក្មួយៗដែលមានដឹកដមសម្លេងពិរោះ ហើយមិនត្រូវបានជាប់មកពីក្មួយៗមិនមានទេពកោសល្យទាក់ទាញ គឺបានតែសម្លេងមួយមុខក៏មិនអាចឈានទៅជោគជ័យបានដែរ ។ នេះគឺជាបទពិសោធន៍សម្រាប់ក្មួយៗដែលចង់ចូលរួមក្នុងកម្មវិធីនេះនៅរដូវកាលបន្ទាប់ ប្រសិនបើក្មួយមានសម្លេងល្អហើយ ក្មួយត្រូវហ្វឹកហាត់បន្ថែមផ្នែកទាក់ទាញ ប្រជាប្រិយភាពថែមទៀតទើបមានសង្ឃឹមច្រើន ។





ជាមួយគ្នានេះក៏សូមចូលរួមអបអរសាទរក្មួយពេជ្រ ថៃផងដែរដែលក្មួយទទួលបានជ័យលាភីដ៏ធំសម្បើមនេះ ។ នេះគឺជាឱកាសសម្រាប់ក្មួយចាប់យកដើម្បីឆ្ពោះទៅកាន់គោលដៅនៃបំណងរបស់ក្មួយហើយ ។ ពូ សូមជូនពរក្មួយប្រុសមានសុខភាពល្អនិងសម្រេចបំណងប្រាថ្នា ៕"





ចំណែកឯងខាងក្រោមនេះវិញគឺជាសកម្មភាពអ្នកដែលបានសន្យាថាបើកុមារាពេជ្រ ថៃ គាត់ទទួលបានពានរង្វាន់នោះគាត់នឹងធ្វើតាមពាក្យសន្យា ដូចនេះឃើញថាគាត់បានធ្វើមែន។












សូមទស្សនាវីដេអូ៖