ភ្នំពេញៈ របរលក់ដូរចល័តតាមចិញ្ចើមថ្នល់នៅរាជធានីភ្នំពេញ កំពុងត្រូវប៉ាន់ ក្នុងនោះ របរលក់ជើងមាន់បំពងក៏កំពុងកើបលុយមិនចាញ់របរលក់ដូរផ្សេងៗទៀតដែរ។
លោកពូនី អ្នកលក់ជើងមាន់បំពង់មួយរូប ក្នុងចំណោមអ្នកលក់របរនេះដូចគ្នាជាច្រើនទៀតនៅផ្ដុំមុខសាកលវិទ្យាល័យ បៀលប្រាយ (BBU) បានថ្លែងឲ្យដឹងថា ក្នុងថ្ងៃធម្មតាគាត់អាចលក់ជើងមានបំពងនេះក្នុង១ថ្ងៃលក់អស់ជាង៤០គីឡូក្រាម ដែលក្នុងជើងមាន់១គីឡូក្រាមមានជើងមាន់ជាង៤០ជើង ហើយបំពងឆ្អិនលក់ចេញវិញក្នុងជើងមាន់១០ តម្លៃ ៦ពាន់រៀល។
ពូនី បានបន្ដថា របរលក់ជើងមាននេះ ងាយស្រួលក្នុងការធ្វើ និងលក់ ដោយគ្រាន់តែស្ងោជើងមាន់ឲ្យស្លោកបន្ទិច រួចយកមកបំពងឲ្យឆ្អិនស្រួយ និងលាយជាមួយគ្រឿងផ្សំថែមបន្ទិចបន្ទួចប៉ុណ្ណោះ។
បើតាមលោកពូនី ជើងមាន់ដែលលក់នេះ គឺទិញយកមកពីផ្សារច្បាអំពៅ ដែលក្នុង១គីឡូក្រាមតម្លៃខ្ទង់៨ពាន់រៀល។
លោកពូបន្ដថា «បើតាមខ្ញុំដឹង អ្នកលក់ជើងមាន់ភាគច្រើន គឺទៅទិញជើងមាន់មកពីទីនោះ (ផ្សារច្បាអំពៅ តែខ្ញុំមិនដឹងថា គេ (អ្នកលក់បោះដុំ) ទិញជើងមាន់នេះមកពីណាទេ)»។
ក្រៅពីរបរលក់ជើងមាន់បំពង របរលក់ដូរចល័តផ្សេងៗទៀត ពិសេសរបរលក់ចំណីអាហារ និងភេសជ្ជៈកំប៉ុងក៏ត្រូវប៉ាន់ខ្លាំងណាស់ដែរ។
អាជីវករលក់ភេសជ្ជៈមួយរូប សូមមិនបញ្ចេញឈ្មោះ បានប្រាប់ឲ្យដឹងថា រាល់ឆ្នាំឲ្យតែដល់ថ្ងៃបុណ្យ របរលក់ដូរទូទៅមានការលក់ដំឡើងថ្លៃជាងថ្ងៃធម្មតា សូម្បីតែទឹកសុទ្ធដែលធ្លាប់លក់ក្នុង១ដប៥រយរៀល អាចលក់បានក្នុងតម្លៃ១ពាន់រៀល ចំណែកស៊ាំងចល័តវិញ អាចលក់បានក្នុង១លីត្រ ពី ៤-៥ពាន់រៀលផងដែរ។
ចំពោះករណីទិញលក់នៅក្នុងរដូវបុណ្យប្រពៃណីជាតិនេះ ប្រជាពលរដ្ឋម្នាក់ដែលរស់នៅក្នុងទីក្រុងភ្នំពេញ បានលើកឡើងថា អ្នកលក់ដូរមិនគួរដំឡើងថ្លៃចំពោះផលិផលផ្សេងៗទេ គួរតែមានការបញ្ចុះតម្លៃថែមទៀត ដើម្បីអបអរកម្មវិធីបុណ្យទាំងអស់គ្នា៕
0 comments:
Post a Comment