ប៉ុន្មានឆ្នាំចុងក្រោយនេះ គេសង្កេតឃើញតារាចម្រៀងជាច្រើននាក់ចាប់ផ្តើមបញ្ឈប់ការចម្លងបទចម្រៀងពីប្រទេសដ៏ទៃ ដោយងាកមកធ្វើការនិពន្ធស្នាដៃចម្រៀងខ្លួនឯងវិញ ហើយមហាជនជាច្រើនក៏បានធ្វើការគាំទ្រផងដែរ។ ក្នុងនោះផងដែរ តារាចម្រៀង Original Song ដ៏ល្បីឈ្មោះម្នាក់ គឺលោក Tena ទទួលបានការគាំទ្រយ៉ាងខ្លាំងពីសំណាក់យុវវ័យ ដោយសារតែបទចម្រៀងរបស់លោកសុទ្ធតែបទ Original ហើយបទទាំងនោះសុទ្ធតែត្រូវនឹងសាច់រឿងរបស់យុវវ័យនាពេលបច្ចុប្បន្ន។
កាលពីម្សិលមិញនេះ លោក Tena បានទទួលកាដូដ៏ភ្ញាក់ផ្អើលមួយពីក្រុមហ៊ុន Youtube នោះគឺកាដូ YouTube Silver Play Button។ លោក Tena ក៏បានបង្ហោះសារថ្លែងអំណគុណអ្នកគាំទ្រលោកទាំងអស់នៅលើបណ្តាញសង្គមផងដែរថា “Thank you everyone! it’s a silver gift from YouTube and I will try my best to get a golden gift asap”។ គួរបញ្ជាក់ផងដែរថា កាដូពីក្រុមហ៊ុន Youtube នេះត្រូវបានបែងចែកជា៣ប្រភេទ ដែល Silver Play Button គឺសម្រាប់ម្ចាស់គណនី Youtube ដែលមានចំនួនអ្នក subscribe ចាប់ពី១០ម៉ឺននាក់ឡើងទៅ សម្រាប់ Gold Play Button វិញគឺមានអ្នក subscribe ចាប់ពី១លាននាក់ឡើងទៅ និង Diamond Play Button គឺមានអ្នក subscribe ចាប់ពី១០លាននាក់ឡើងទៅ។
0 comments:
Post a Comment