មានករណីមួយបានកើតឡើងកាលពីពេលថ្មីៗនេះដោយគេឃើញមាន iPhone 8 ដែលមានតម្លៃដល់ខ្ទង់ជាង១ពាន់ដុល្លារនោះ ពេលនេះកំពុងមានបញ្ហា ដោយអ្នកប្រើប្រាស់មួយចំនួន ពេលទិញយកមកប្រើស្រាប់តែឃើញហើបអេក្រង់ចេញតែម្តង ហើយខណៈពេលនេះក្រុមហ៊ុន Apple ផ្ទាល់កំពុងតែស៉ុើបអង្កេតលើបញ្ហានេះ។ រូបភាព iPhone 8 ឃើញឡើងហើបអេក្រង់ចេញស្ទើរជ្រុះពីទូរសព្ទនោះ ត្រូវបានចែកចាយពេញបណ្តាញសង្គមតៗគ្នាយ៉ាងកក្រើក។
ក្នុងនោះផងដែរគេក៏បានឃើញអ្នកប្រើប្រាស់ម្នាក់ដែលបានជួបបញ្ហា បានឲ្យដឹងថាសំបករបស់ iPhone 8 គឺឡើងហើបចេញតែម្តង ខណៈកំពុងសាកថ្មដោយប្រើខ្សែ និងឆ្នាំងសាកហ្ស៊ីនរបស់ក្រុមហ៊ុន ទាំងប្រើទើបបាន ៥ថ្ងៃ នេះបើតាមការចុះផ្សាយរបស់សារព័ត៌មានតៃវ៉ាន់។
ដោយឡែកអ្នកប្រើប្រាស់ម្នាក់ទៀតនៅជប៉ុន បញ្ជាក់ថា iPhone 8 ដែលទើបទិញនោះ គ្រាន់តែបើកចេញពីប្រអប់ឃើញហើបអេក្រង់បាត់ទៅហើយ (ដូចរូប) ហើយបន្ទាប់មកក៏បង្ហោះចែកចាយលើ Twitter។
ក្នុងខណៈពេលនេះខាងក្រុមហ៊ុន Apple កំពុងតែមានការស៊ើបអង្កេតលើបញ្ហាហើបសំបក និងអេក្រង់ iPhone 8 នេះ ហើយមកទល់ពេលនេះមិនទាន់អាចឆ្លើយតបជាផ្លុវការណាមួយឡើយ ពីបញ្ហានៅពីក្រោយរឿងមួយនេះ។ ប៉ុន្តែក្រុមហ៊ុនគ្រាន់តែសន្និដ្ឋានថា អាចបណ្តាលមកពីថ្មទូរសព្ទឡើងប៉ោង តែថាមិនបង្ករជាគ្រោះថ្នាក់ដល់អ្នកប្រើប្រាស់ឡើយ៕
0 comments:
Post a Comment