ភ្នំពេញ៖ តារាចម្រៀងដែលគួរឲ្យអាណិត និងធ្វើឲ្យគ្រប់គ្នាសោកស្តាយជាខ្លាំងបន្ទាប់ការបាត់បង់ជីវិត ដោយសារអតីតស្វាមីបាញ់សម្លាប់ អ្នកនាង សាន ស្រីឡៃ ត្រូវបានបូជាសពរួចរាល់ហើយ កាលពីព្រឹកមិញនេះ។
ដោយឡែកមានការភ្ញាក់ផ្អើលថ្មីមួយទៀត នៅក្នុងបណ្តាញសង្គមហ្វេសប៊ុក មានគេShare ព្រោងព្រាត ដោយឃើញ តារាស្រីថៃមួយរូប មានមុខមាត់ស្រដៀងខ្លាំងទៅនឹង តារាចម្រៀងសាន ស្រីឡៃ។
មិនថាមើលពីចំហៀង ឬចំពីមុខ មើលមួយភ្លែតតារាសម្តែងស្រីថៃ Due Arisara ពិតជាមានមុខមាត់ស្រដៀងទៅនឹងបេក្ខភាព The Voice Cambodia រដូវកាលទី២នេះណាស់។ ជាពិសេស សូម្បីនៅក្នុងហ្វេសប៊ុកផេករបស់ស្រីឡៃផ្ទាល់ កាលនៅរស់ ក៏ធ្លាប់បានបង្ហោះថា ចង់ស្អាតដូចតារាថៃរូបនោះដែរ៕
ចុះអ្នកទាំងអស់គ្នាគិតថាពួកគាត់មានមុខមាត់ដូចគ្នាដែរឬទេ??
អានបន្ត៖ ស្លុតចិត្តណាស់លោកអើយ!!!! ពេលស្តាប់អ្នកស្រុកព្រះស្តេចនិយាយរឿង”គយម៉ៅ”ដែលបាញ់សម្លាប់សាន ស្រីឡៃ និងខ្លួនឯង…
(ព្រៃវែង)៖ប៉ុន្មានថ្ងៃនេះមានការភ្ញាក់ផ្អើលនិងតក់ស្លុតជាខ្លាំងពីមហារជនទូរទៅបន្ទាប់ពីមានករណីប្ដីបាញ់ប្រហារសម្លាប់ប្រពន្ធជាតារាចម្រៀងTheVoiceCambodiaរួចបានបាញ់សម្លាប់ខ្លួនឯង។ឃាតកម្មនោះត្រូវគេបានដឹងថាជាមន្ត្រីគយទិញឈ្មោះគេមានប្រពន្ធដើមនិងកូនបួននាក់នៅស្រុកព្រះស្តេចហើយអ្នកភូមិបានប្រសិទ្ធនាមថា”គយម៉ៅៗ”។
ឃាតកម្មស្ថិតនៅក្នុងមន្ទីរពេទ្យសំរាកព្យាបាលវ៉ាយតាឡុងហ្គាជាគ្លីនិកកែសម្ជស្សស្ថិតនៅក្បែរស្ថានីយទូរទស្សន៍អប្សរាតាមបណ្តោយផ្លូវ៣៦០កែងផ្លូវ៥៧ សង្កាត់បឹងកេងកងទី១ ខណ្ឌចំការមនកាលពីវេលាម៉ោង៤ល្ងាចថ្ងៃទី១៦ខែតុលាឆ្នាំ២០១៧ព្រោះរឿងប្រចណ្ឌ។
ជុំវិញករណីឃាតកម្មនេះប្រជាពលរដ្ឋដែលរស់នៅស្រុកព្រះស្ដេចដែលជាស្រុកកំណើតរបស់ប្តីសានស្រីឡៃបានឲ្យដឹងថាប្ដីសានស្រីឡៃដែលបានបាញ់សម្លាប់ប្រពន្ធរួចបាញ់ខ្លួនឯងនេះជាមន្ត្រីគយទិញឈ្មោះគេដែលមានប្រពន្ធដើមនិងកូន៤នាក់នៅស្រុកព្រះស្ដេច។រីឯសានស្រីឡៃជាប្រពន្ធទី២និងមានកូន២ជាមួយគ្នាទៀតផង។
ពលរដ្ឋនៅភូមិពានីឃុំល្វាស្រុកព្រះស្ដេចខេត្តព្រៃវែងបានឲ្យដឹងទៀតថាជនអត្តឃាតខាងលើដែលបានបាញ់សម្លាប់ប្រពន្ធទី២រួចបាញ់សម្លាប់ខ្លួនឯងនោះមានស្រុកកំណើតនៅក្នុងភូមិពានីនេះព្រោះរឿងប្រចណ្ឌសានស្រីឡៃដាក់អ្នកផ្សេង។អត្តឃាតជនឈ្មោះដើមខៀវម៉ៅភេទប្រុសអាយុ៤៧ឆ្នាំ។ប៉ុន្តែបានទិញឈ្មោះគេធ្វើជាមន្ត្រីគយដោយបានប្ដូរទៅជាឈ្មោះ ជ័យ រិន ភេទប្រុសអាយុ៤៩ឆ្នាំ។
ប្រភពពីបុរសចំណាស់ម្នាក់ដែលជាអ្នកជិតខាងបាននិយាយថាក្នុងភូមិនេះគេស្គាល់បុរសដែលសម្លាប់ប្រពន្ធរួចបាញ់ខ្លួនឯងនោះស្ទើរគ្រប់គ្នាហើយបានហៅថា”គយម៉ៅៗ។គយម៉ៅនេះមានទឹកចិត្តល្អដែរសម្រាប់អ្នកជិតខាងដោយជួយចេញថ្លៃភ្លើងរាល់ខែឲ្យអ្នកនៅជាប់របងផ្ទះចំនួន២គ្រួសារ។គយម៉ៅមានបងប្អូនចំនួន៦នាក់ប្រុសទាំងអស់ខ្លួនជាកូនពៅទី៦ក្នុងចំណោមបងប្អូនទាំង៦នាក់គឺមានការងារជាមន្ត្រីគយចំនួន៤នាក់។
ប្រភពបានឲ្យដឹងទៀតថាគយម៉ៅជាកូនកំព្រាឪពុកម្ដាយតាំងពីចាប់កំណើតបានអាយុ៧ថ្ងៃគឺឪពុកបានស្លាប់តាំងពីគយម៉ៅចាប់កំណើតក្នុងផ្ទៃ។ រីឯម្ដាយបានស្លាប់ដោយសាជំងឺនៅពេលដែលបង្កើត គយម៉ៅ បាន៧ថ្ងៃ។ នៅក្រោយពេលម្ដាយស្លាប់ភ្លាមៗគយម៉ៅ ត្រូវបានម្ដាយមីងយកមកចិញ្ចឹមឲ្យរៀនសូត្ររហូតដល់ពេញវ័យ។ គយម៉ៅ បានទៅដណ្ដឹងប្រពន្ធដើមសព្វថ្ងៃឈ្មោះ រដ្ឋា ដែលមានទីលំនៅឯឃុំកំពង់សឹងស្រុកព្រះស្ដេច។មកទល់បច្ចុប្បន្ននេះឈ្មោះរដ្ឋាជាប្រពន្ធដើមមានកូនពេញវ័យអស់ហើយដល់ទៅ៤នាក់ស្រី៣នាក់ កូនប្រុសម្នាក់សព្វថ្ងៃមានមុខរបរជាមន្ត្រីយោធា។
ប្រភពដដែលបានបន្តថា គយម៉ៅ បានស្គាល់នឹងយក សានស្រីឡៃជាប្រពន្ធទី២ជាលើកដំបូងនៅឯប៉ោយប៉ែតខេត្តបន្ទាយមានជ័យ ។លុះក្រោយមកក៏បានស្រឡាញ់នាងស្ទើរតែភ្លេចប្រពន្ធដើម។ក្នុងនោះគយម៉ៅ បានយិតយោងនិងលើកស្ទួយជីវភាពគ្រួសាររបស់ នាងសានស្រីឡៃ
អានបន្ត៖ ក្រោយពេលមហាជនរិះគន់យ៉ាងចាស់ដៃ! ពេលនេះអាចារ្យ មាស សំណាងចេញមុខបំភ្លឺរឿងថ្លៃសព សាន ស្រីឡៃថាជារឿង….
បន្ទាប់ពីមានប្រតិកម្មផ្ទុះឡើងយ៉ាងកក្រើក Facebook នៅយប់ថ្ងៃទី ១៧ ខែ តុលា ឆ្នាំ ២០១៧ ថាលោកអាចារ្យ មាស សំណាង ទារលុយថ្លៃតម្កល់សព សាន ស្រីឡៃ ២៦០០ ដុល្លារ ដែលជាតម្លៃថ្លៃពេក ពីក្រុមហ៊ុន ទូរទស្សន៍ ហង្សមាស នោះ នៅយប់ដដែលលោកអាចារ្យ មាស សំណាង បានបំភ្លឺអោយដឹងតាមទូរស័ព្ទថា តម្លៃ ២៦០០ ដុល្លារគឺបាននិយាយគ្នាជាមួយក្រុមហ៊ុនហង្ស មាស តាំងពីយប់ថ្ងៃទី ១៦ ខែ តុលា រួចមកហើយ នោះគឺជាតម្លៃ សំរាប់ អាចារ្យ យោគី ៥ នាក់ តម្លៃ ៥០០ ដុល្លារ ក្ដារម្ឈូសតម្លៃ ១៥០ ដុល្លារ សំរាប់ទឹញគ្រឿងចាត់ចែងពីធីបុណ្យសព ៧០០ ដុល្លារ និង ឧបត្ថម្ភដល់វត្តសែនសុខ ១២៥០ ដុល្លារ ។
ចំពោះក្រដាស់ដែលមានសរសេរតម្លៃនៅលើនោះក៏មិនមែនលោកអាចារ្យ មាស សំណាង ជាអញនកសរសេរដែរ ។ តែពេលបុគ្គលិករបស់ទូរទស្សន៍ ហង្សមាស មកជួបស្រាប់តែឆ្លើយថាអត់មានលុយអោយទេ ។ លោកអាចារ្យ មាស សំណាង បានបន្តថា ពេលលឺបុគ្គលិកទូរទស្សន៍ហង្ស មាស ឆ្លើយថាអត់មានលុយ លោកក៏បាននិយាយថា ទូរទស្សន៍ ហង្សមាស ប៉ុនណាណីម្ដេចអត់លុយអោយអញ្ចឹង ? បន្ទាប់មកមិនដឹងបុគ្គលិក ហង្ស មាស រាយការណ៍ទៅលោក មាស រឹទ្ធី ថាម៉េចទេ ស្រាប់តែមានផ្ទុះរឿងថា គាត់ជំរឹតទារលុយ ២៦០០ ដុល្លារ បើមិនអោយ អោយដឹកសពចេញទៅវិញ ។
លោកអាចារ្យ មាស សំណាង បានអះអាងថា លោកមិនបាននិយាយអោយដឹកសពចេញនោះទេ ហើយតម្លៃដែលលោកបានប្រាប់ទូរទស្សន៍ ហង្ស មាស ក៏លោកបានជជែកតម្លៃគ្នាជាមុនជាមួយទូរស្សន៍ ហង្ស មាស តាំងពីយប់ថ្ងៃទី ១៦ តុលា មកម្ល៉េះ ។
គួរបញ្ជាក់ថា នៅយប់ថ្ងៃទី ១៧ តុលា ឆ្នាំ ២០១៧ ម្សិលម៉ិញ លោក មាស រឹទ្ធី បានប្រតិកម្មចំពោះលោក មាស សំណាង ដែលទាថ្លៃតំកល់សព តារាចម្រៀង សាន ស្រីឡៃ ថ្លៃពេករហូតដល់ ២៦០០ ដុល្លារ ធ្វើអោយមហាជនរឹះគន់លោកអាចារ្យ មាស សំណាង ពេញលើបណ្ដាញសង្គម Facebook ។
ជាចុងក្រោយសូមមហាជនពិចារណាសារជាថ្មីប្រហែលអាចជារឿងយល់ច្រឡំក៏ថាបាន ហេតុនេះហើយសូមបងប្អូនមេត្តាឈប់រិះគន់ដោយក្តីអនុគ្រោះ។
អានបន្ត៖ ហួសចិត្ត! អាចារ្យម្នាក់បានធ្វើរឿងនឹកស្មានមិនដល់ដាក់សព សាន ស្រីឡៃ ភ្លាមៗព្រះចៅអធិការវត្ត ចេញមកអះអាងថា….
(ភ្នំពេញ)៖ ក្រោយពីមានរឿងកក្រើកថា មានអាចារ្យម្នាក់នៅវត្តសែនសុខ ទៅទារលុយពីក្រុមហ៊ុនហង្សមាស ថ្លៃតម្លល់សពតារាចម្រៀង សាន ស្រីឡៃ រហូតគម្រាមថា បើមិនឲ្យលុយត្រូវដឹកសព ចេញវិញនោះ ភ្លាមៗនៅយប់ថ្ងៃទី១៧ ខែតុលា ឆ្នាំ២០១៧នេះ ព្រះចៅអធិការវត្តព្រះនាម ភារម្យ បានចេញមកច្រានចោល ហើយមានសង្ឃដីកាយ៉ាងច្បាស់ៗថា «ជាគោលការណ៍រួមវត្ត មិនដែលយកថ្លៃពីពិធីបុណ្យសពរបស់ប្រជាពលរដ្ឋណានោះឡើយ តាំងពីដើមដល់ចប់, ករណីអាចារ្យទារលុយជារឿងបុគ្គលតែប៉ុណ្ណោះ»។
ជាមួយគ្នានេះ ព្រះចៅអធិការក៏មានសង្ឃដីកាបន្តថា ករណីមានអាចារ្យទៅទារលុយ ថ្លៃតម្កល់សព គឺព្រះអង្គមិនបានដឹងនោះឡើយ ហើយអាចារ្យរូបនេះ ក៏មិនមែនជាអាចារ្យប្រចាំវត្តសែនសុខដែរ ពោលគឺអាចា្យប្រចាំវត្តមានចំនួន៩នាក់ ហើយព្រះអង្គបានសុំឲ្យ៥នាក់ មកជួយរៀបចំចាត់ចែងពិធីបណ្យសពនេះ រីឯ៤នាក់ ផ្សេងទៀតជាប់ទៅបុណ្យសពប្រជាពលរដ្ឋផ្សេង។
ព្រះអង្គ ភារម្យ បានមានសង្ឃដីកាប្រាប់បណ្តាញព័ត៌មាន Fresh News ថា «នៅពេលមានបុណ្យសព គឺអាត្មា និងគណៈកម្មាវត្តគ្រាន់តែសួរម្ចាស់កម្មវិធីថា រៀបចំយ៉ាងដូចម្តេច ដើម្បីឲ្យវត្តជួយចាត់ចែង ហើយគោលការណ៍យកលុយកាក់ សូម្បីតែមួយកាក់មូយសេន ក៏វត្តមិនយកដែរ លើកលែងតែពលរដ្ឋ ចង់ប្រគេនកសាងសមិទ្ធផលក្នុងវត្ត នោះវត្តនឹងទទួល»។
មន្ត្រីសាលាខណ្ឌសែនសុខមួយរូប បានប្រាប់ភ្នាក់ងារសារព័ត៌មាន Fresh News ឲ្យដឹងថា អាចារ្យរូបនេះរស់នៅភូមិទី៧ ហើយជាអាចារ្យធំ (គ្រូបង្រៀនអាចារ្យ)។ អាចារ្យរូបនេះបានមកចាត់ចែង រៀបចំពិធីចាត់ចែងពិធីបុណ្យសព តារាចម្រៀង សាន ស្រីឡៃ រហូតមកទារលុយយ៉ាងច្រើនបែបនេះពីក្រុមហ៊ុនហង្សមាស។
ដោយឡែក អភិបាលរងរាជធានីភ្នំពេញលោក មាន ចាន់យ៉ាដា នៅយប់ថ្ងៃដដែលនេះ បានថ្លែងប្រាប់អង្គភាពព័ត៌មាន Fresh News ឲ្យដឹងថា ករណីដ៏ចម្រូងចម្រាស់នេះ ត្រូវបានដោះស្រាយបញ្ចប់រួចហើយ បន្ទាប់ពីលោកបានទាក់ទងដោយផ្ទាល់ជាមួយលោក មាស រិទ្ធី និងអាជ្ញាធរខណ្ឌ ដូច្នេះករណីនេះគឺជារឿងបុគ្គលរបស់អាចារ្យដែលប្រព្រឹត្តដោយខ្លួនឯង មិនពាក់ព័ន្ធជាមួយនឹងវត្ត គណៈកម្មការវត្ត និងព្រះសង្ឃនោះឡើយ។
លោក មាស រិទ្ធី អគ្គនាយករងស្ថានីយទូរទស្សន៍ហង្សមាស និងជាអ្នកអត្ថាធិប្បាយដ៏ល្បាញល្បីមួយរូបនៅកម្ពុជា បានថ្លែងប្រាប់បណ្តាញព័ត៌មាន Fresh News នៅល្ងាចថ្ងៃទី១៧ ខែតុលា ឆ្នាំ២០១៧នេះថា វត្តសែនសុខទីកន្លែងតម្កល់សពតារាចម្រៀង សាន ស្រីឡៃ មានអាចារ្យម្នាក់បានទាមទារលុយថ្លៃតម្កល់សព, ថ្លៃអាចារ្យ, ថ្លៃរៀបចំពិធី និងក្តារមឈូស រហូតដល់២៦០០ដុល្លារអាមេរិក ហើយបានពោលពាក្យមាក់ងាយដល់ក្រុមហ៊ុនហង្សមាសធ្ងន់ៗ ព្រមទាំងបាននិយាយថា ប្រសិនបើមិនឲ្យលុយទេ សូមយកសពទៅវិញ។
លោក មាស រិទ្ធី បានបញ្ជាក់ទៀតថា អាចារ្យប្រចាំវត្តសែនសុខ ដែលទាមទារលុយនោះឈ្មោះ មាស សំណាង ដែលបានទាមទារលុយដូចជា៖ ទី១៖ ប្រគេនចំពោះវត្តសម្រាប់តម្កល់សព ១២៥០ដុល្លារ ទី២៖ អាចារ្យយោគី ៥០០ដុល្លារ ទី៣៖ សម្រាប់វត្តចាត់ចែងពិធី៖ ៧០០ដុល្លារ ទី៤៖ ក្តារមឈូស ១៥០ដុល្លារ (ដូចតារាងទារលុយខាងក្រោម)។ ការទាមទារលុយថ្លៃតម្កល់សពនេះ ខាងវត្តសែនសុខមិនបានដឹងរឿងនេះទេ គឺបុគ្គលអាចារ្យតែម្តង ហើយបុគ្គលអាចារ្យរូបនោះបានអះអាងខ្លួនឯងថា ជាអាចារ្យមកពីវាំងទៀតផង។
លោក មាស រិទ្ធី បាននិយាយជាមួយកំហឹងខ្លាំងៗថា អ្វីដែលក្រុមហ៊ុនហង្សមាស មិនអាចទទួលយកបាននោះ គឺពាក្យសម្តីរបស់អាចារ្យ មាស សំណាង និយាយមាក់ងាយធ្ងន់ៗថា «ថៅកែហង្សមាសធំប៉ុណ្ណាប៉ុណ្ណីមកថោកទាប អត់លុយឲ្យវត្ត»។ លោកបានបញ្ជាក់ថា តើវត្តជាទីអារាមសម្រាប់ប្រជាពលរដ្ឋធ្វើបុណ្យធ្វើទាន ឬក៏ជាសណ្ឋាគារសម្រាប់គិតថ្លៃ ?
បន្ទាប់ពីមានជម្លោះរឿងទាមទារលុយនោះ លោក មាស រិទ្វី បានទូរស័ព្ទស្នើសុំការអន្តរាគមន៍ពីអភិបាលខណ្ឌសែនសុខ និងអធិការនគរបាលខណ្ឌសែនសុខផងដែរ។
សូមជំរាបថា ស្ថានីយទូរទស្សន៍ហង្សមាស ជាអ្នកទទួលចំណាយថវិកាទាំងស្រុងលើការៀបចំបុណ្យសពតារាចម្រៀង សាន ស្រីឡៃ ដែលជាតារាចម្រៀងប្រចាំផលិតកម្មហង្សមាស និងជាអតីតបេក្ខភាព The Voice Cambodia រដូវកាលទី២។ ក្រុមការងារមួយក្រុមរបស់ក្រុមហ៊ុន ក៏បាននឹងកំពុងរៀបចំកិច្ចការផ្សេងៗនៅវត្តសែនសុខ ក្នុងសង្កាត់ឃ្មួញ ខណ្ឌសែនសុខ។ ចំណែកសាកសពខ្មាន់កាំភ្លើងដែលជាប្តី កំពុងធ្វើបុណ្យតាមប្រពៃណី នៅខេត្តព្រៃវែង៕
0 comments:
Post a Comment