ស្តែងៗតែម្តង! នេះជាវិដេអូកាមេរ៉ាសុវត្ថិភាព សកម្មភាពខ្នាន់កាំភ្លើងបាញ់សម្លាប់តារាចម្រៀង សាន ស្រីឡៃ(មានវីដេអូ)

ស្តែងៗតែម្តង! នេះជាវិដេអូកាមេរ៉ាសុវត្ថិភាព សកម្មភាពខ្នាន់កាំភ្លើងបាញ់សម្លាប់តារាចម្រៀង សាន ស្រីឡៃភ្នំពេញ៖ ​សាន ស្រីឡៃ ជាបេក្ខភាព The Voice Cambodia រដូវកាលទី២ ត្រូវបាន​ខ្មាញ់កាំភ្លើងបាញ់សម្លាប់ដេកដួលនៅមុខគ្លីនិក កែសម្ជស្សហើយឃាតករបានបាញ់សម្លាប់ ខ្លួនឯង បណ្តាលឱ្យដួលស្លាប់នៅជាប់គ្នាតែម្តង ដែលករណីនេះ សង្ស័យថា ពាក់ព័ន្ធនឹងរឿងស្នេហា​ត្រី​កោណ ។ហេតុការណ៍ដ៏កក្រើកនេះ បានបង្កឱ្យមានការភ្ញាក់ផ្អើល កាលពីវេលាម៉ោង៤ល្ងាចថ្ងៃទី១៦ ខែ តុលា ឆ្នាំ ២០១៧ នៅក្នុងមន្ទីរពេទ្យសំរាកព្យាបាល វ៉ាយតាឡុងហ្គា ជាគ្លីនិកកែសម្ជស្ស ស្ថិតនៅក្បែរ ស្ថានីយទូរទស្សន៍អប្សរា តាមបណ្តោយផ្លូវ៣៦០កែងផ្លូវ៥៧ សង្កាត់បឹងកេងកងទី១ ខណ្ឌចំការមន ។​ជនរងគ្រោះដែលត្រូវខ្មាញ់កាំភ្លើងបាញ់សម្លាប់ ត្រូវបានគេស្គាល់ឈ្មោះ ​សាន ស្រីឡៃ ជាបេក្ខភាព The Voice Cambodia រដូវកាលទី២ ភេទស្រី អាយុ ២៣ឆ្នាំ មានស្រុកកំណើត​នៅក្រុងប៉ោយប៉ែត ខេត្តបន្ទាយមានជ័យ បច្ចុប្បន្នកំពុងតែ ថតរឿងរាជនីភូមិគ្រឹះ មិនទាន់ចប់នៅឡើយទេ ។ ចំណែក​សពបុរសដែលជា​ឃាតកបាញ់សម្លាប់ជនរងគ្រោះ​ មានឈ្មោះ ជ័យ រិន្ទ អាយុជាង ៣០ឆ្នាំ ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1FN-5923 ។បើយោងតាមកាំមេរ៉ាសុវត្ថិភាពបានឱ្យដឹងថា មុនពេលកើតហេតុជនរងគ្រោះបានជិះរថយន្តឡិចស៊ីស ចូលទៅគ្លីនិកកែសម្ភស្ស ខាងលើដើម្បីពិនិត្យស្បែក ខណៈពេលចុះពីលើ​រថយន្ត​ ដើរចូលក្នុង​គ្លីនិក​ បើកទ្វារកញ្ចក់ដើរចូលបានបន្តិច ក៏ត្រូវខ្មាញ់កាំភ្លើងជិះម៉ូតូ​ ដើរ​ចូល​ទៅ​ដកកាំភ្លើង​បាញ់ទៅលើ​ជនរងគ្រោះចំនួន ៣​គ្រាប់ បណ្តាលឱ្យដួលស្លាប់ ​ហើយ​ខ្មាញ់​​កាំភ្លើងបានយក​កាំភ្លើងបាញ់ខ្លួនឯងមួយគ្រាប់ ចំសៀតផ្កាដួលដេក ស្លាប់នៅជាប់នឹង​ជន​​រង​គ្រោះតែម្តង ។ ទាក់ទិននឹងករណីបាញ់សម្លាប់នេះ សមត្ថកិច្ចសង្ស័យថា ពាក់ព័ន្ធនឹងស្នេហាត្រីកោណ ។ បន្ទាប់ពីកើតហេតុ សមត្ថកិច្ចបានឡោមព័ទ្ធទីតាំងខាងលើ ដើម្បីធ្វើការពិនិត្យកាំមេរ៉ាសុវត្ថិ ភាពនៅកន្លែងកើតហេតុ ៕

សូមទស្សនាវីដេអូ៖