ក្នុងថ្ងៃនេះផងដែរ សូមលើកយកពីប្រធានបទមួយ ” អត្ថន័យនៃការអុជ តាមរយៈសរសៃធូប ” ភាគច្រើនការបន់ស្រន់របស់ប្រជាពលរដ្ឋខ្មែរយើង គឺប្រើប្រាស់ធូប តែក្នុងការប្រើប្រាស់ចំនួនប៉ុន្មានសរសៃ ដើម្បីអ្វី ឬតំណាងអោយអ្វីមួយនោះ ពិតជាមានមនុស្សតិចតួចណាស់ដែលបានដឹង អំពីអត្ថន័យទាំងនេះ។ ពេលនេះមានបង្ហាញនៅខាងក្រោម៖
១- ការអុជធូប ១ សរសៃ តំណាងឲ្យការរំឭកគុណគ្រូ និងតួខ្លួន ។
២- ការអុជធូប ២ សរសៃ តំណាងឲ្យគុណមាតាបិតា ។
៣- ការអុជធូប ៣ សរសៃ គឺបូជាព្រះរតនត្រ័យ ដែលមានព្រះពុទ្ធ ព្រះធម៌ ព្រះសង្ឃ មាតាបិតា និងគុណគ្រូ ។
៤- ការអុជធូប ៤ សរសៃ តំណាងឲ្យធាតុទាំង៤ គឺ ទឹក ដី ភ្លើង និងខ្យល់។
៥- ការអុជធូប ៥ សរសៃ គឺបូជាព្រះ ទាំង៥ព្រះអង្គ គឺ ព្រះកុក្កុសន្ធោ(មាន់) ព្រះកោនាគមនោ(នាគ) ព្រះកស្សបោ (អណ្ដើក) ព្រះសមណគោត្តម (គោ) និងព្រះសិអារ្យមេត្រី (ខ្លា)។
៦- ការអុជធូប ៧ សរសៃ គឺបូជាញាតិមិត្តទាំងប្រាំពីរសន្តានរួមមាន៖ ថ្នាក់លើខ្លួន ៣ ជាន់ គឺ ឪពុកម្ដាយ ជីដូនជីតា យាយទួតតាទួត និងថ្នាក់ក្រោមយើង ៣ ជាន់ គឺ កូនចៅ ចៅទួត និងការបូករួមខ្លួនយើងទាំងអស់គឺ ប្រាំពីរសន្តាន ។
៧- ការអុជធូប ៩ សរសៃ គឺបូជាទេវតា ដែលថែរក្សាទិសទាំង ៩រួមមាន៖ ទិសបូព៌ ទិសអាគ្នេយ៍ ទិសទក្សិណ ទិសនិរតី ទិសបស្ចិម ទិសពាយ័ព្យ ទិសឧត្ដរ ទិសឦសាន និងទិសខាងលើ។
៨- ការអុជធូប ១១ សរសៃ គឺតំណាងឲ្យមេត្តាធម៌ទាំង ១១ ។
៩- ការអុជធូប ១២ សរសៃ គឺបូជាគុណម្ដាយ ១២ ឬគុណធាតុ។
១០- ការអុជធូប ១៩ សរសៃ គឺសម្រាប់ឪពុកម្ដាយ មានមនុស្ស មានព្រលឹង១៩ រួមទាំងព្រលឹងធំ និងព្រលឹងតូច។
១១- ការអុជធូប ២១ សរសៃ គឺបូជាគុណឪពុក។
១២- ការអុជធូប ៣៣ សរសៃ គឺបូជាគុណឪពុកម្ដាយ៕
ប្រភព៖ komsan.khmernotes
0 comments:
Post a Comment