ភ្នំពេញ ៖ គ្រាប់បែកដៃមួយគ្រាប់ ក្នុងសភាពចាស់ ត្រូវបានប្រជាពលរដ្ឋ ប្រទះឃើញខណៈពេល កាប់ដីកាយមើលលូស្ទះ កាលពីវេលាម៉ោង ១រសៀល ថ្ងៃទី១៤ ខែតុលា ឆ្នាំ២០១៧ ស្ថិតនៅចំណុចមុខផ្ទះប្រជាពលរដ្ឋ តាមផ្លូវ១០០៧ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ។
គ្រាប់បែកមួយគ្រាប់ ដែលប្រទះឃើញនេះ ជាប្រភេទគ្រាប់បែកដៃ M67 ដែលបន្សល់ទុក តាំងពីសម័យសង្រ្គាមមកម្លេះ នៅកប់ក្នុងដីយូរណាស់មកហើយ លុះមកដល់នៅរសៀល ថ្ងៃទី១៤ ខែតុលានេះ ពលរដ្ឋកាប់កាយដី ដើម្បីមើលលូ បង្ហូររំដោះទឹកកុំឲ្យស្ទះ ខណៈជីកកាយអាចម៍ដី បានប្រហែលកន្លះម៉ែត្រ ស្រាប់តែប្រទះឃើញ គ្រាប់ខាងលើតែម្តង។ ដោយក្តីព្រួយបារម្មណ៍ អំពីសុវត្ថិភាព ទើបរាយការណ៍ទៅសមត្ថកិច្ច ឲ្យមកយកទៅរក្សាទុក នៅកន្លែងមានសុវត្តិភាព ជៀសវាង បង្កគ្រោះថ្នាក់ដោយប្រការណាមួយ ៕
0 comments:
Post a Comment