ព្រះសីហនុ៖ រថយន្តមួយគ្រឿងបើកបុកសត្វគោមួយក្បាលកំពុងតែដើរឆ្លងផ្លូវ រួចទៅបុកប៉ះគ្នា ក្នុងទិសដៅស្របគ្នា បណ្តាលអោយសត្វគោងាប់នៅនឹងកន្លែងកើតហេតុ ព្រឹកថ្ងៃទី០៨ និង ៤៥នាទី ថ្ងៃទី២៨ ខែកញ្ញា ឆ្នាំ២០១៧ លើផ្លូវជាតិលេខ៤ ចន្លោះគីឡូម៉ែត្រ ១៧១-១៧២ ស្ថិតនៅក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។
បើតាមការអោយដឹងពីសមត្ថកិច្ចបានប្រាប់ថា រថយន្តមួយគ្រឿង ម៉ាកTOYOTA ពណ៌ ទឹកប្រាក់ ពាក់ផ្លាកលេខភ្នំពេញ2AF-4633 មានទិសដៅពីខេត្តព្រះសីហនុទៅភ្នំពេញ លុះដល់ចំណុចខាងលើបានបុកសត្វគោ ១ក្បាលដែលឆ្លងកាត់ផ្លូវ បណ្តាលអោយស្លាប់ភ្លាមៗនៅនឹងកន្លែងកើតហេតុ បន្ទាប់មកក៏មានរថយន្តដឹកហ្គាស់ មួយគ្រឿងម៉ាក HYUNDAI ពណ៌ ស ពាក់ផ្លាកលេខ ភ្នំពេញ3D-9719 ដែលមានទិសដៅស្របគ្នាបុកពីខាងក្រោយតែម្ដង ។
បច្ចុប្បន្នភាគីរថយន្តទាំងសងខាង កំពុងសម្របសម្រួលគ្នានៅនឹងកន្លែងកើតហេតុ៕
មានវីដេអូ៖
0 comments:
Post a Comment